AktualitetShowBizTe FunditTe Gjitha

Shumë shpejt gjyshe, Irma rrëfen mallin për bashkëshortin: I kam të ruajtura në whatsapp gjithë bisedat me të (VIDEO)

Pak kohë më parë Irma Libohova përjetoi një humbje të madhe, atë të ndarjes nga jeta të bashkëshortit të saj. E megjithatë këngëtarja duket se e ka marrë veten dhe po synon që të çojë në vend amanetin e lënë nga ai.

Ajo thotë se shumë shpejt do të realizojë me klip këngët që Besniku i preferonte. Po ashtu në intervistën me gazetarin Eraldo Rexho, këngëtarja shprehet se shumë herë e merr malli për shokun e saj të jetës.

“Ka një boshllëk, por jeta vazhdon dhe unë përpiqem të merrem me punë, vazhdoj gjithë ditën. Herë-herë shikoj kujtimet…mundohem ta heq kokën dhe të mos mërzitem. Mirëpo ato janë aty dhe e kam thënë edhe herë tjetër dhimbja është e atij që ka fatkeqësinë dhe mundohem ta tejkaloj.

Por kam njerëz rreth e qark, të cilët ma mbushin ditën time. Ndonjëherë kur jam vetëm hap gjithë chat-in e whatsapp-it që kam me bashkëshortin, i kam ruajtur të gjitha e muhabetet që kemi bërë i kam të ruajtura, mesazhet. Këto janë mungesa që njeriu ka dhe mundohem ta kaloj. Çfarë të bëj, jeta vazhdon”, ka treguar Irma.

Irma ka rrëfyer se do i realizojë premtimet e Besnikut, dhe do t’i publikojë këngët që i kanë mbetur në projekte.

“Do mundohem të bëj ndonjë videoklip modest në respekt të bashkëshortit tim që i donte këto këngë. Në mënyrë që ato të mbeten. Kur të mos kem shumë punë, besoj nga dimri. Amanetet e Besnikut besoj do i çoj në vend”, tha këngëtarja.

Ajo gjithashtu ka zbuluar se djali i saj Ataoli dhe partnerja e tij janë në pritje të një fëmije. Këtë lajm të bukur që duket se i ka shtuar ngjyrat jetës së saj pas humbjes së bashkëshortit katër muaj më parë.

“Unë besoj që ky është lajmi më i bukur dhe prandaj themi gjithmonë që duhet t’i kthejmë sytë nga jeta. S’ka gjë më të bukur kur vjen një jetë. Thonë që është një ndjesi shumë e bukur, s’e kam provuar.

Shumë shpejt, besoj që do të kemi një intervistë tjetër për të dhënë edhe ndjesinë e të qenit gjyshe”, – u shpreh Irma Libohova, e cila në shtator do të publikojë këngën e saj të re me titull “Ditëlindja”

(E.K/SHUPLAKA)

 

 

Fjalët Kyce

Artikuj të Ngjashëm

Leave a Reply

Your email address will not be published. Required fields are marked *