KosovaTe FunditTe Gjitha

Mustafa thirrje: Selia e traktatit të Transportit për vendet e Ballkanit Perëndimor të jetë në Kosovë

Kryeministri i Kosovës, Isa Mustafa, ka propozuar që Traktati i Komunitetit të Transportit për vendet e Ballkanit Perëndimor, ta ketë selinë në Kosovë.

Kryeministri Mustafa dhe kryeministrat e vendeve të Ballkanit Perëndimor,kanë nënshkruar ditën e sotme Traktatin e Komunitetit të Transportit, marrëveshje kjo e cilësuar me rëndësi për thellimin e bashkëpunimit ndërmjet vendeve të rajonit si dhe në raport me BE-në dhe shtetet e saj.

 “Deri më tani nuk kemi arritur që të kemi asnjë seli të programeve të cilat i kemi realizuar bashkërisht në suaza të bashkëpunimit tonë me vendet e Ballkanit Perëndimor”,u shpreh Mustafa

Kryeministri Mustafa fillimisht foli për rëndësinë e kësaj iniciative e cila ka krijuar një perspektivë të rëndësishme të bashkëpunimit dhe të komunikimit ndërmjet vendeve të Ballkanit Perëndimor.

“Unë shpresoj shumë që ky bashkëpunim do të na përgatis në rrugën e integrimit tonë në Bashkimin Evropian, dhe nuk e shoh në asnjë rast si formë të zëvendësimit të përkohshëm të kësaj rruge tonë”, tha Mustafa.

(S.SH/Shuplaka)

 

Fjalët Kyce

Artikuj të Ngjashëm

Leave a Reply

Your email address will not be published. Required fields are marked *